Humbja në peshë nuk është aspak e lehtë. Ushqimi i rregullt dhe ushtrimet janë faktorë kyçë, por kini kujdes edhe çfarë pini.

QUMËSHTI I YNDYRSHËM

Qumështi është shumë me rëndësi për eshtra dhe dhëmbë. Por, nëse qëllim e keni humbjen në peshë, atëherë pakësoni konsumimin e tij, sidomos të atij me shumë yndyrë e kalciumin kërkojeni në prodhimet e tjera, si brokol dhe drithëra.

“SHAKE” ME PROTEINA

Ushqimi i pasur me proteina është me shumë rëndësi, sidomos nëse ushtroni dhe dëshironi të ndërtoni masën muskulore. Por, nëse dëshironi të humbni në peshë, atëherë duhet të shmangni konsumimin e pijeve me proteina pas ushtrimeve.

LËNGU I FRESKËT

Lëngjet e freskëta janë opsion i mirë kohë pas kohe, por konsumimi i shpeshtë i tyre nuk është ideal. Përmbajnë numër të madh të kalorive dhe sheqer dhe nuk ndihmojnë në humbjen në peshë.

“SMOOTHIE”

Pije e shkëlqyeshme që është plot me pemë të freskëta dhe ushqime të tjera sipas shijes tuaj, por, nëse “smoothie” e konsideroni shujtë për ta konsumuar çdo ditë, gjasat që të shtoni në peshë janë të mëdha.